הוֹדוּ לַיהוָה קִרְאוּ בִּשְׁמוֹ הוֹדִיעוּ בָעַמִּים עֲלִילוֹתָיו׃
Hodou laïhva kirou bichmo hodiʹou vaʹamime ʹalilotav
שִׁירוּ־לוֹ זַמְּרוּ־לוֹ שִׂיחוּ בְּכָל־נִפְלְאוֹתָיו׃
Chirou-lo zamérou-lo siʹhou békhol-nifléotav
הִתְהַלְלוּ בְּשֵׁם קָדְשׁוֹ יִשְׂמַח לֵב מְבַקְשֵׁי יְהוָה׃
Hithallou béchème kadcho yismaʹh lèv mévakché Ado-naï
דִּרְשׁוּ יְהוָה וְעֻזּוֹ בַּקְּשׁוּ פָנָיו תָּמִיד׃
Dirchou Ado-naï véʹouzo bakéchou fanav tamide
זִכְרוּ נִפְלְאוֹתָיו אֲשֶׁר־עָשָׂה מֹפְתָיו וּמִשְׁפְּטֵי־פִיו׃
Zikhrou nifléotav achère-ʹasa moftav oumichpété-fiv
זֶרַע אַבְרָהָם עַבְדּוֹ בְּנֵי יַעֲקֹב בְּחִירָיו׃
Zéraʹ avraham ʹavdo béné yaʹakov béʹhirav
הוּא יְהוָה אֱלֹהֵינוּ בְּכָל־הָאָרֶץ מִשְׁפָּטָיו׃
Hou Ado-naï élo-hénou békhol-haaréts michpatav
זָכַר לְעוֹלָם בְּרִיתוֹ דָּבָר צִוָּה לְאֶלֶף דּוֹר׃
Zakhar léʹolame bérito davar tsiva léélèfe dor
אֲשֶׁר כָּרַת אֶת־אַבְרָהָם וּשְׁבוּעָתוֹ לְיִשְׂחָק׃
Achère karate ète-avraham ouchvouʹato léyisʹhak
וַיַּעֲמִידֶהָ לְיַעֲקֹב לְחֹק לְיִשְׂרָאֵל בְּרִית עוֹלָם׃
Vayaʹamidéha léyaʹakov léʹhok lé-Ysraël bérite ʹolame
לֵאמֹר לְךָ אֶתֵּן אֶת־אֶרֶץ־כְּנָעַן חֶבֶל נַחֲלַתְכֶם׃
Lémor lékha étène ète-érèts-kénaʹane ʹhévèl naʹhalatkhème
בִּהְיוֹתָם מְתֵי מִסְפָּר כִּמְעַט וְגָרִים בָּהּ׃
Bihyotame mété mispar kimʹate végarime ba-h
וַיִּתְהַלְּכוּ מִגּוֹי אֶל־גּוֹי מִמַּמְלָכָה אֶל־עַם אַחֵר׃
Vayithalékhou miguoï el-guoï mimamlakha el-ʹame aʹhère
לֹא־הִנִּיחַ אָדָם לְעָשְׁקָם וַיּוֹכַח עֲלֵיהֶם מְלָכִים׃
Lo-hiniaʹh adame léʹachkame vayokhaʹh ʹaléhème mélakhime
אַל־תִּגְּעוּ בִמְשִׁיחָי וְלִנְבִיאַי אַל־תָּרֵעוּ׃
Al-tiguéʹou vimchiʹhaï vélinviaï al-taréʹou
וַיִּקְרָא רָעָב עַל־הָאָרֶץ כָּל־מַטֵּה־לֶחֶם שָׁבָר׃
Vayikra raʹav ʹal-haaréts kole-maté-léʹhème chavar
שָׁלַח לִפְנֵיהֶם אִישׁ לְעֶבֶד נִמְכַּר יוֹסֵף׃
Chalaʹh lifnéhème iche léʹévède nimkar yosèfe
עִנּוּ בַכֶּבֶל רגליו [רַגְלוֹ] בַּרְזֶל בָּאָה נַפְשׁוֹ׃
ʹInou vakévèl ragulo barzèl baa nafcho
עַד־עֵת בֹּא־דְבָרוֹ אִמְרַת יְהוָה צְרָפָתְהוּ׃
ʹAd-ʹète bo-dévaro imrate Ado-naï tsérafathou
שָׁלַח מֶלֶךְ וַיַּתִּירֵהוּ מֹשֵׁל עַמִּים וַיְפַתְּחֵהוּ׃
Chalaʹh mélèkh vayatiréhou mochèl ʹamime vayfatéʹhéhou
שָׂמוֹ אָדוֹן לְבֵיתוֹ וּמֹשֵׁל בְּכָל־קִנְיָנוֹ׃
Samo adone lévéto oumochèl békhol-kinyano
לֶאְסֹר שָׂרָיו בְּנַפְשׁוֹ וּזְקֵנָיו יְחַכֵּם׃
Lèsor sarav bénafcho ouzkénav yéʹhakème
וַיָּבֹא יִשְׂרָאֵל מִצְרָיִם וְיַעֲקֹב גָּר בְּאֶרֶץ־חָם׃
Vayavo ysraël mitsrayime vé-Yaʹakov gar béérèts-ʹhame
וַיֶּפֶר אֶת־עַמּוֹ מְאֹד וַיַּעֲצִמֵהוּ מִצָּרָיו׃
Vayéfèr ète-ʹamo méode vayaʹatsiméhou mitsarav
הָפַךְ לִבָּם לִשְׂנֹא עַמּוֹ לְהִתְנַכֵּל בַּעֲבָדָיו׃
Hafakh libame lisno ʹamo léhitnakèl baʹavadav
שָׁלַח מֹשֶׁה עַבְדּוֹ אַהֲרֹן אֲשֶׁר בָּחַר־בּוֹ׃
Chalaʹh moché ʹavdo aharone achère baʹhar-bo
שָׂמוּ־בָם דִּבְרֵי אֹתוֹתָיו וּמֹפְתִים בְּאֶרֶץ חָם׃
Samou-vame divré ototav oumoftime béérèts ʹhame
שָׁלַח חֹשֶׁךְ וַיַּחְשִׁךְ וְלֹא־מָרוּ אֶת־דברוו [דְּבָרוֹ׃]
Chalaʹh ʹhochékh vayaʹhchikh vélo-marou ète-dévaro
הָפַךְ אֶת־מֵימֵיהֶם לְדָם וַיָּמֶת אֶת־דְּגָתָם׃
Hafakh ète-méméhème lédame vayamète ète-dégatame
שָׁרַץ אַרְצָם צְפַרְדְּעִים בְּחַדְרֵי מַלְכֵיהֶם׃
Charats artsame tséfardéʹime béʹhadré malkhéhème
אָמַר וַיָּבֹא עָרֹב כִּנִּים בְּכָל־גְּבוּלָם׃
Amar vayavo ʹarov kinime békhol-guévoulame
נָתַן גִּשְׁמֵיהֶם בָּרָד אֵשׁ לֶהָבוֹת בְּאַרְצָם׃
Natane guichméhème barade èche léhavote béartsame
וַיַּךְ גַּפְנָם וּתְאֵנָתָם וַיְשַׁבֵּר עֵץ גְּבוּלָם׃
Vayakh gafname outénatame vaychabèr ʹèts guévoulame
אָמַר וַיָּבֹא אַרְבֶּה וְיֶלֶק וְאֵין מִסְפָּר׃
Amar vayavo arbé véyélèk vééne mispar
וַיֹּאכַל כָּל־עֵשֶׂב בְּאַרְצָם וַיֹּאכַל פְּרִי אַדְמָתָם׃
Vayokhal kole-ʹésèv béartsame vayokhal péri admatame
וַיַּךְ כָּל־בְּכוֹר בְּאַרְצָם רֵאשִׁית לְכָל־אוֹנָם׃
Vayakh kole-békhor béartsame réchite lékhol-oname
וַיּוֹצִיאֵם בְּכֶסֶף וְזָהָב וְאֵין בִּשְׁבָטָיו כּוֹשֵׁל׃
Vayotsième békhésèfe vézahav vééne bichvatav kochèl
שָׂמַח מִצְרַיִם בְּצֵאתָם כִּי־נָפַל פַּחְדָּם עֲלֵיהֶם׃
Samaʹh mitsrayime bétsétame ki-nafal paʹhdame ʹaléhème
פָּרַשׂ עָנָן לְמָסָךְ וְאֵשׁ לְהָאִיר לָיְלָה׃
Parase ʹanane lémasakh véèche léhair laïla
שָׁאַל וַיָּבֵא שְׂלָו וְלֶחֶם שָׁמַיִם יַשְׂבִּיעֵם׃
Chaal vayavé sélav véléʹhème chamaïm yasbiʹème
פָּתַח צוּר וַיָּזוּבוּ מָיִם הָלְכוּ בַּצִּיּוֹת נָהָר׃
Pataʹh tsour vayazouvou mayime halkhou batsiote nahar
כִּי־זָכַר אֶת־דְּבַר קָדְשׁוֹ אֶת־אַבְרָהָם עַבְדּוֹ׃
Ki-zakhar ète-dévar kadcho ète-avraham ʹavdo
וַיּוֹצִא עַמּוֹ בְשָׂשׂוֹן בְּרִנָּה אֶת־בְּחִירָיו׃
Vayotsi ʹamo vésasone bérina ète-béʹhirav
וַיִּתֵּן לָהֶם אַרְצוֹת גּוֹיִם וַעֲמַל לְאֻמִּים יִירָשׁוּ׃
Vayitène lahème artsote guoyime vaʹamal léoumime yirachou
בַּעֲבוּר יִשְׁמְרוּ חֻקָּיו וְתוֹרֹתָיו יִנְצֹרוּ הַלְלוּ־יָהּ׃
Baʹavour yichmérou ʹhoukav vétorotav yintsorou hallou-yah