בָּרֲכִי נַפְשִׁי אֶת־יְהוָה יְהוָה אֱלֹהַי גָּדַלְתָּ מְּאֹד הוֹד וְהָדָר לָבָשְׁתָּ׃
Barakhi nafchi ète-Ado-naï Ado-naï Élohé gadalta méode hode véhadar lavachta
עֹטֶה־אוֹר כַּשַּׂלְמָה נוֹטֶה שָׁמַיִם כַּיְרִיעָה׃
ʹOté-or kasalma noté chamaïm kayriʹa
הַמְקָרֶה בַמַּיִם עֲלִיּוֹתָיו הַשָּׂם־עָבִים רְכוּבוֹ הַמְהַלֵּךְ עַל־כַּנְפֵי־רוּחַ׃
Hamkaré vamayime ʹaliotav hasame-ʹavime rékhouvo hamhalèkh ʹal-kanfé-rouaʹh
עֹשֶׂה מַלְאָכָיו רוּחוֹת מְשָׁרְתָיו אֵשׁ לֹהֵט׃
ʹOsé malakhav rouʹhote méchartav èche lohète
יָסַד־אֶרֶץ עַל־מְכוֹנֶיהָ בַּל־תִּמּוֹט עוֹלָם וָעֶד׃
Yasade-érèts ʹal-mékhonéha bal-timote ʹolame vaʹède
תְּהוֹם כַּלְּבוּשׁ כִּסִּיתוֹ עַל־הָרִים יַעַמְדוּ־מָיִם׃
Téhome kalévouche kisito ʹal-harime yaʹamdou-mayime
מִן־גַּעֲרָתְךָ יְנוּסוּן מִן־קוֹל רַעַמְךָ יֵחָפֵזוּן׃
Mine-gaʹaratkha yénousoune mine-kol raʹamkha yéʹhafézoune
יַעֲלוּ הָרִים יֵרְדוּ בְקָעוֹת אֶל־מְקוֹם זֶה יָסַדְתָּ לָהֶם׃
Yaʹalou harime yèrdou vékaʹote el-mékome zé yasadta lahème
גְּבוּל־שַׂמְתָּ בַּל־יַעֲבֹרוּן בַּל־יְשׁוּבוּן לְכַסּוֹת הָאָרֶץ׃
Guévoul-samta bal-yaʹavoroune bal-yéchouvoune lékhasote haaréts
הַמְשַׁלֵּחַ מַעְיָנִים בַּנְּחָלִים בֵּין הָרִים יְהַלֵּכוּן׃
Hamchaléaʹh maʹyanime banéʹhalime bène harime yéhalékhoune
יַשְׁקוּ כָּל־חַיְתוֹ שָׂדָי יִשְׁבְּרוּ פְרָאִים צְמָאָם׃
Yachkou kole-ʹhayto sadaï yichbérou féraime tsémaame
עֲלֵיהֶם עוֹף־הַשָּׁמַיִם יִשְׁכּוֹן מִבֵּין עֳפָאיִם יִתְּנוּ־קוֹל׃
ʹAléhème ʹofe-hachamayime yichkone mibène ʹofayime yiténou-kol
מַשְׁקֶה הָרִים מֵעֲלִיּוֹתָיו מִפְּרִי מַעֲשֶׂיךָ תִּשְׂבַּע הָאָרֶץ׃
Machké harime méʹaliotav mipéri maʹasékha tisbaʹ haaréts
מַצְמִיחַ חָצִיר לַבְּהֵמָה וְעֵשֶׂב לַעֲבֹדַת הָאָדָם לְהוֹצִיא לֶחֶם מִן־הָאָרֶץ׃
Matsmiaʹh ʹhatsir labéhéma véʹésèv laʹavodate haadame léhotsi léʹhème mine-haaréts
וְיַיִן יְשַׂמַּח לְבַב־אֱנוֹשׁ לְהַצְהִיל פָּנִים מִשָּׁמֶן וְלֶחֶם לְבַב־אֱנוֹשׁ יִסְעָד׃
Véyayine yésamaʹh lévav-énoche léhatshil panime michamène véléʹhème lévav-énoche yisʹade
יִשְׂבְּעוּ עֲצֵי יְהוָה אַרְזֵי לְבָנוֹן אֲשֶׁר נָטָע׃
Yisbéʹou ʹatsé Ado-naï arzé lévanone achère nataʹ
אֲשֶׁר־שָׁם צִפֳּרִים יְקַנֵּנוּ חֲסִידָה בְּרוֹשִׁים בֵּיתָהּ׃
Achère-chame tsiporime yékanénou ʹhasida bérochime béta
הָרִים הַגְּבֹהִים לַיְּעֵלִים סְלָעִים מַחְסֶה לַשְׁפַנִּים׃
Harime haguévohime layéʹélime sélaʹime maʹhsé lachfanime
עָשָׂה יָרֵחַ לְמוֹעֲדִים שֶׁמֶשׁ יָדַע מְבוֹאוֹ׃
ʹAsa yaréaʹh lémoʹadime chémèche yada mévoo
תָּשֶׁת־חֹשֶׁךְ וִיהִי לָיְלָה בּוֹ־תִרְמֹשׂ כָּל־חַיְתוֹ־יָעַר׃
Tachète-ʹhochékh vihi laïla bo-tirmose kole-ʹhayto-yaʹar
הַכְּפִירִים שֹׁאֲגִים לַטָּרֶף וּלְבַקֵּשׁ מֵאֵל אָכְלָם׃
Hakéfirime choaguime latarèfe oulvakèche méèl akhlame
תִּזְרַח הַשֶּׁמֶשׁ יֵאָסֵפוּן וְאֶל־מְעוֹנֹתָם יִרְבָּצוּן׃
Tizraʹh hachémèche yéaséfoune véèl-méʹonotame yirbatsoune
יֵצֵא אָדָם לְפָעֳלוֹ וְלַעֲבֹדָתוֹ עֲדֵי־עָרֶב׃
Yétsé adame léfaʹolo vélaʹavodato ʹadé-ʹarèv
מָה־רַבּוּ מַעֲשֶׂיךָ יְהוָה כֻּלָּם בְּחָכְמָה עָשִׂיתָ מָלְאָה הָאָרֶץ קִנְיָנֶךָ׃
Ma-rabou maʹasékha Ado-naï koulame béʹhokhma ʹassita mala haaréts kinyanékha
זֶה הַיָּם גָּדוֹל וּרְחַב יָדָיִם שָׁם־רֶמֶשׂ וְאֵין מִסְפָּר חַיּוֹת קְטַנּוֹת עִם־גְּדֹלוֹת׃
Zé hayame gadol ourʹhav yadayime chame-rémèse vééne mispar ʹhayote kétanote ʹime-guédolote
שָׁם אֳנִיּוֹת יְהַלֵּכוּן לִוְיָתָן זֶה־יָצַרְתָּ לְשַׂחֶק־בּוֹ׃
Chame oniote yéhalékhoune livyatane zé-yatsarta lésaʹhèk-bo
כֻּלָּם אֵלֶיךָ יְשַׂבֵּרוּן לָתֵת אָכְלָם בְּעִתּוֹ׃
Koulame élékha yésabéroune latète akhlame béʹito
תִּתֵּן לָהֶם יִלְקֹטוּן תִּפְתַּח יָדְךָ יִשְׂבְּעוּן טוֹב׃
Titène lahème yilkotoune tiftaʹh yadkha yisbéʹoune tov
תַּסְתִּיר פָּנֶיךָ יִבָּהֵלוּן תֹּסֵף רוּחָם יִגְוָעוּן וְאֶל־עֲפָרָם יְשׁוּבוּן׃
Tastir panékha yibahéloune tosèfe rouʹhame yiguvaʹoune véèl-ʹafarame yéchouvoune
תְּשַׁלַּח רוּחֲךָ יִבָּרֵאוּן וּתְחַדֵּשׁ פְּנֵי אֲדָמָה׃
Téchalaʹh rouʹhakha yibaréoune outʹhadèche péné adama
יְהִי כְבוֹד יְהוָה לְעוֹלָם יִשְׂמַח יְהוָה בְּמַעֲשָׂיו׃
Yéhi khévode Ado-naï léʹolame yismaʹh Ado-naï bémaʹasav
הַמַּבִּיט לָאָרֶץ וַתִּרְעָד יִגַּע בֶּהָרִים וְיֶעֱשָׁנוּ׃
Hamabite laarèts vatirʹade yigaʹ béharime véyéʹéchanou
אָשִׁירָה לַיהוָה בְּחַיָּי אֲזַמְּרָה לֵאלֹהַי בְּעוֹדִי׃
Achira laïhva béʹhayaï azaméra lélohaï béʹodi
יֶעֱרַב עָלָיו שִׂיחִי אָנֹכִי אֶשְׂמַח בַּיהוָה׃
Yéʹérav ʹalav siʹhi anokhi èsmaʹh baïhva
יִתַּמּוּ חַטָּאִים מִן־הָאָרֶץ וּרְשָׁעִים עוֹד אֵינָם בָּרֲכִי נַפְשִׁי אֶת־יְהוָה הַלְלוּ־יָהּ׃
Yitamou ʹhataime mine-haaréts ourchaʹime ʹod éname barakhi nafchi ète-Ado-naï hallou-yah