לְדָוִד בָּרֲכִי נַפְשִׁי אֶת־יְהוָה וְכָל־קְרָבַי אֶת־שֵׁם קָדְשׁוֹ׃
Lédavide barakhi nafchi ète-Ado-naï vékhol-kéravaï ète-chème kadcho
בָּרֲכִי נַפְשִׁי אֶת־יְהוָה וְאַל־תִּשְׁכְּחִי כָּל־גְּמוּלָיו׃
Barakhi nafchi ète-Ado-naï véal-tichkéʹhi kole-guémoulav
הַסֹּלֵחַ לְכָל־עֲוֺנֵכִי הָרֹפֵא לְכָל־תַּחֲלֻאָיְכִי׃
Hasoléaʹh lékhol-ʹaonékhi harofé lékhol-taʹhalouaykhi
הַגּוֹאֵל מִשַּׁחַת חַיָּיְכִי הַמְעַטְּרֵכִי חֶסֶד וְרַחֲמִים׃
Haguoèl michaʹhate ʹhayaykhi hamʹatérékhi ʹhésède véraʹhamime
הַמַּשְׂבִּיַע בַּטּוֹב עֶדְיֵךְ תִּתְחַדֵּשׁ כַּנֶּשֶׁר נְעוּרָיְכִי׃
Hamasbiyaʹ batov ʹèdyèkh titʹhadèche kanéchèr néʹouraykhi
עֹשֵׂה צְדָקוֹת יְהוָה וּמִשְׁפָּטִים לְכָל־עֲשׁוּקִים׃
ʹOsé tsédakote Ado-naï oumichepatime lékhol-ʹachoukime
יוֹדִיעַ דְּרָכָיו לְמֹשֶׁה לִבְנֵי יִשְׂרָאֵל עֲלִילוֹתָיו׃
Yodiaʹ dérakhav lémoché livné ysraël ʹalilotav
רַחוּם וְחַנּוּן יְהוָה אֶרֶךְ אַפַּיִם וְרַב־חָסֶד׃
Raʹhoume véʹhanoune Ado-naï érèkh apayime vérav-ʹhasède
לֹא־לָנֶצַח יָרִיב וְלֹא לְעוֹלָם יִטּוֹר׃
Lo-lanétsaʹh yariv vélo léʹolame yitor
לֹא כַחֲטָאֵינוּ עָשָׂה לָנוּ וְלֹא כַעֲוֺנֹתֵינוּ גָּמַל עָלֵינוּ׃
Lo khaʹhataénou ʹasa lanou vélo khaʹaonoténou gamal ʹalénou
כִּי כִגְבֹהַּ שָׁמַיִם עַל־הָאָרֶץ גָּבַר חַסְדּוֹ עַל־יְרֵאָיו׃
Ki khiguvoah chamaïm ʹal-haaréts gavar ʹhasdo ʹal-yéréave
כִּרְחֹק מִזְרָח מִמַּעֲרָב הִרְחִיק מִמֶּנּוּ אֶת־פְּשָׁעֵינוּ׃
Kirʹhok mizraʹh mimaʹarav hirʹhik miménou ète-péchaʹénou
כְּרַחֵם אָב עַל־בָּנִים רִחַם יְהוָה עַל־יְרֵאָיו׃
Kéraʹhème ave ʹal-banime riʹhame Ado-naï ʹal-yéréave
כִּי־הוּא יָדַע יִצְרֵנוּ זָכוּר כִּי־עָפָר אֲנָחְנוּ׃
Ki-hou yada yitsrénou zakhour ki-ʹaffare anaʹhnou
אֱנוֹשׁ כֶּחָצִיר יָמָיו כְּצִיץ הַשָּׂדֶה כֵּן יָצִיץ׃
Énoche kéʹhatsir yamav kétsits hasadé kène yatsits
כִּי רוּחַ עָבְרָה־בּוֹ וְאֵינֶנּוּ וְלֹא־יַכִּירֶנּוּ עוֹד מְקוֹמוֹ׃
Ki rouaʹh ʹavra-bo véénénou vélo-yakirénou ʹod mékomo
וְחֶסֶד יְהוָה מֵעוֹלָם וְעַד־עוֹלָם עַל־יְרֵאָיו וְצִדְקָתוֹ לִבְנֵי בָנִים׃
Véʹhésède Ado-naï méʹolame véʹade-ʹolame ʹal-yéréave vétsidkato livné vanime
לְשֹׁמְרֵי בְרִיתוֹ וּלְזֹכְרֵי פִקֻּדָיו לַעֲשׂוֹתָם׃
Léchomré vérito oulzokhré fikoudav laʹasotame
יְהוָה בַּשָּׁמַיִם הֵכִין כִּסְאוֹ וּמַלְכוּתוֹ בַּכֹּל מָשָׁלָה׃
Ado-naï bachamaïm hékhine kiso oumalkhouto békhol machala
בָּרֲכוּ יְהוָה מַלְאָכָיו גִּבֹּרֵי כֹחַ עֹשֵׂי דְבָרוֹ לִשְׁמֹעַ בְּקוֹל דְּבָרוֹ׃
Barakhou Ado-naï malakhav guiboré khoaʹh ʹosé dévaro lichmoaʹ békol dévaro
בָּרֲכוּ יְהוָה כָּל־צְבָאָיו מְשָׁרְתָיו עֹשֵׂי רְצוֹנוֹ׃
Barakhou Ado-naï kole-tsévaav méchartav ʹosé rétsono
בָּרֲכוּ יְהוָה כָּל־מַעֲשָׂיו בְּכָל־מְקֹמוֹת מֶמְשַׁלְתּוֹ בָּרֲכִי נַפְשִׁי אֶת־יְהוָה׃
Barakhou Ado-naï kole-maʹasav békhol-mékomote mèmchalto barakhi nafchi ète-Ado-naï