תְּפִלָּה לְעָנִי כִי־יַעֲטֹף וְלִפְנֵי יְהוָה יִשְׁפֹּךְ שִׂיחוֹ׃
Téfila léʹani khi-yaʹatofe vélifné Ado-naï yichpokh siʹho
יְהוָה שִׁמְעָה תְפִלָּתִי וְשַׁוְעָתִי אֵלֶיךָ תָבוֹא׃
Ado-naï chimʹa téfilati véchavʹati élékha tavo
אַל־תַּסְתֵּר פָּנֶיךָ מִמֶּנִּי בְּיוֹם צַר לִי הַטֵּה־אֵלַי אָזְנֶךָ בְּיוֹם אֶקְרָא מַהֵר עֲנֵנִי׃
Al-tastèr panékha miméni béome tsar li haté-élaï aznékha béome èkra mahére ʹanéni
כִּי־כָלוּ בְעָשָׁן יָמָי וְעַצְמוֹתַי כְּמוֹ־קֵד נִחָרוּ׃
Ki-khalou véʹachane yamaï véʹatsmotaï kémo-kède niʹharou
הוּכָּה־כָעֵשֶׂב וַיִּבַשׁ לִבִּי כִּי־שָׁכַחְתִּי מֵאֲכֹל לַחְמִי׃
Houka-khaʹésèv vayivache libi ki-chakhaʹhti méakhol laʹhmi
מִקּוֹל אַנְחָתִי דָּבְקָה עַצְמִי לִבְשָׂרִי׃
Mikol anʹhati davka ʹatsmi livsari
דָּמִיתִי לִקְאַת מִדְבָּר הָיִיתִי כְּכוֹס חֳרָבוֹת׃
Damiti likate midbar hayiti kékhose ʹhoravote
שָׁקַדְתִּי וָאֶהְיֶה כְּצִפּוֹר בּוֹדֵד עַל־גָּג׃
Chakadti vaèhyé kétsipor bodède ʹal-gagu
כָּל־הַיּוֹם חֵרְפוּנִי אוֹיְבָי מְהוֹלָלַי בִּי נִשְׁבָּעוּ׃
Kole-hayome ʹhèrfouni oyvaï méholalaï bi nichbaʹou
כִּי־אֵפֶר כַּלֶּחֶם אָכָלְתִּי וְשִׁקֻּוַי בִּבְכִי מָסָכְתִּי׃
Ki-éfèr kaléʹhème akhalti véchikouvaï bivkhi masakhti
מִפְּנֵי־זַעַמְךָ וְקִצְפֶּךָ כִּי נְשָׂאתַנִי וַתַּשְׁלִיכֵנִי׃
Mipéné-zaʹamkha vékitspékha ki nésatani vatachlikhéni
יָמַי כְּצֵל נָטוּי וַאֲנִי כָּעֵשֶׂב אִיבָשׁ׃
Yamaï kétsèl natouï vaani kaʹésèv ivache
וְאַתָּה יְהוָה לְעוֹלָם תֵּשֵׁב וְזִכְרְךָ לְדֹר וָדֹר׃
Véata Ado-naï léʹolame téchèv vézikhrékha lédor vador
אַתָּה תָקוּם תְּרַחֵם צִיּוֹן כִּי־עֵת לְחֶנְנָהּ כִּי־בָא מוֹעֵד׃
Ata takoume téraʹhème tsione ki-ʹète léʹhènna ki-va moʹède
כִּי־רָצוּ עֲבָדֶיךָ אֶת־אֲבָנֶיהָ וְאֶת־עֲפָרָהּ יְחֹנֵנוּ׃
Ki-ratsou ʹavadékha ète-avanéha véète-ʹafara yéʹhonénou
וְיִירְאוּ גוֹיִם אֶת־שֵׁם יְהוָה וְכָל־מַלְכֵי הָאָרֶץ אֶת־כְּבוֹדֶךָ׃
Véyirou guoyime ète-chème Ado-naï vékhol-malekhé haaréts ète-kévodékha
כִּי־בָנָה יְהוָה צִיּוֹן נִרְאָה בִּכְבוֹדוֹ׃
Ki-vana Ado-naï tsione nira bikhvodo
פָּנָה אֶל־תְּפִלַּת הָעַרְעָר וְלֹא־בָזָה אֶת־תְּפִלָּתָם׃
Pana el-téfilate haʹarʹar vélo-vaza ète-téfilatame
תִּכָּתֶב זֹאת לְדוֹר אַחֲרוֹן וְעַם נִבְרָא יְהַלֶּל־יָהּ׃
Tikatèv zote lédor aʹharone véʹame nivra yéhalèl-yah
כִּי־הִשְׁקִיף מִמְּרוֹם קָדְשׁוֹ יְהוָה מִשָּׁמַיִם אֶל־אֶרֶץ הִבִּיט׃
Ki-hichkife mimérome kadcho Ado-naï michamayime el-érèts hibite
לִשְׁמֹעַ אֶנְקַת אָסִיר לְפַתֵּחַ בְּנֵי תְמוּתָה׃
Lichmoaʹ ènkate asir léfatéaʹh béné témouta
לְסַפֵּר בְּצִיּוֹן שֵׁם יְהוָה וּתְהִלָּתוֹ בִּירוּשָׁלִָם׃
Lésapèr bétsione chème Ado-naï outhilato birouchalame
בְּהִקָּבֵץ עַמִּים יַחְדָּו וּמַמְלָכוֹת לַעֲבֹד אֶת־יְהוָה׃
Béhikavèts ʹamime yaʹhdav oumamlakhote laʹavode ète-Ado-naï
עִנָּה בַדֶּרֶךְ כחו [כֹּחִי] קִצַּר יָמָי׃
ʹIna vadérèkh koʹhi kitsar yamaï
אֹמַר אֵלִי אַל־תַּעֲלֵנִי בַּחֲצִי יָמָי בְּדוֹר דּוֹרִים שְׁנוֹתֶיךָ׃
Omar éli al-taʹaléni baʹhatsi yamaï bédor dorime chénotékha
לְפָנִים הָאָרֶץ יָסַדְתָּ וּמַעֲשֵׂה יָדֶיךָ שָׁמָיִם׃
Léfanime haaréts yasadta oumaʹasé yadékha chamayime
הֵמָּה יֹאבֵדוּ וְאַתָּה תַעֲמֹד וְכֻלָּם כַּבֶּגֶד יִבְלוּ כַּלְּבוּשׁ תַּחֲלִיפֵם וְיַחֲלֹפוּ׃
Héma yovédou véata taʹamode vékhoulame kabéguède yivlou kalévouche taʹhalifème véyaʹhalofou
וְאַתָּה־הוּא וּשְׁנוֹתֶיךָ לֹא יִתָּמּוּ׃
Véata-hou ouchnotékha lo yitamou
בְּנֵי־עֲבָדֶיךָ יִשְׁכּוֹנוּ וְזַרְעָם לְפָנֶיךָ יִכּוֹן׃
Béné-ʹavadékha yichkonou vézarʹame léfanékha yikone