לָמָה יְהוָה תַּעֲמֹד בְּרָחוֹק תַּעְלִים לְעִתּוֹת בַּצָּרָה׃
Lama Ado-naï taʹamode béraʹhok taʹlime léʹitote batsara
בְּגַאֲוַת רָשָׁע יִדְלַק עָנִי יִתָּפְשׂוּ בִּמְזִמּוֹת זוּ חָשָׁבוּ׃
Bégaavate rachaʹ yidlak ʹani yitafsou bimzimote zou ʹhachavou
כִּי־הִלֵּל רָשָׁע עַל־תַּאֲוַת נַפְשׁוֹ וּבֹצֵעַ בֵּרֵךְ נִאֵץ יְהוָה׃
Ki-hilèl rachaʹ ʹal-taavate nafcho ouvotséaʹ bérèkh nièts Ado-naï
רָשָׁע כְּגֹבַהּ אַפּוֹ בַּל־יִדְרֹשׁ אֵין אֱלֹהִים כָּל־מְזִמּוֹתָיו׃
Rachaʹ kégova apo bal-yidroche ène Élo-him kole-mézimotav
יָחִילוּ דרכו [דְרָכָיו ] בְּכָל־עֵת מָרוֹם מִשְׁפָּטֶיךָ מִנֶּגְדּוֹ כָּל־צוֹרְרָיו יָפִיחַ בָּהֶם׃
Yaʹhilou dérakhav békhol-ʹète marome michpatékha minègudo kole-tsorrav yafiaʹh bahème
אָמַר בְּלִבּוֹ בַּל־אֶמּוֹט לְדֹר וָדֹר אֲשֶׁר לֹא־בְרָע׃
Amar bélibo bal-émote lédor vador achère lo-véraʹ
אָלָה פִּיהוּ מָלֵא וּמִרְמוֹת וָתֹךְ תַּחַת לְשׁוֹנוֹ עָמָל וָאָוֶן׃
Ala pihou malé oumirmote vatokh taʹhate léchono ʹamal vaavène
יֵשֵׁב בְּמַאְרַב חֲצֵרִים בַּמִּסְתָּרִים יַהֲרֹג נָקִי עֵינָיו לְחֵלְכָה יִצְפֹּנוּ׃
Yéchèv bémarav ʹhatsérime bamistarime yaharogu naki ʹénav léʹhèlkha yitsponou
יֶאֱרֹב בַּמִּסְתָּר כְּאַרְיֵה בְסֻכֹּה יֶאֱרֹב לַחֲטוֹף עָנִי יַחְטֹף עָנִי בְּמָשְׁכוֹ בְרִשְׁתּוֹ׃
Yéérov bamistar kéaryé vésouko yéérov laʹhatofe ʹani yaʹhtofe ʹani bémachkho vérichto
ודכה [יִדְכֶּה] יָשֹׁחַ וְנָפַל בַּעֲצוּמָיו חלכאים [חֵיל] [כָּאִים׃]
Yidké yachoaʹh vénafal baʹatsoumav ʹhèl kaime
אָמַר בְּלִבּוֹ שָׁכַח אֵל הִסְתִּיר פָּנָיו בַּל־רָאָה לָנֶצַח׃
Amar bélibo chakhaʹh èle histir panav bal-raa lanétsaʹh
קוּמָה יְהוָה אֵל נְשָׂא יָדֶךָ אַל־תִּשְׁכַּח עניים [עֲנָוִים׃]
Kouma Ado-naï èle nésa yadékha al-tichkaʹh ʹanavime
עַל־מֶה נִאֵץ רָשָׁע אֱלֹהִים אָמַר בְּלִבּוֹ לֹא תִּדְרֹשׁ׃
ʹAl-mé nièts rachaʹ Élo-him amar bélibo lo tidroche
רָאִתָה כִּי־אַתָּה עָמָל וָכַעַס תַּבִּיט לָתֵת בְּיָדֶךָ עָלֶיךָ יַעֲזֹב חֵלֶכָה יָתוֹם אַתָּה הָיִיתָ עוֹזֵר׃
Raita ki-ata ʹamal vakhaʹase tabite latète béyadékha ʹalékha yaʹazov ʹhélékha yatome ata hayita ozère
שְׁבֹר זְרוֹעַ רָשָׁע וָרָע תִּדְרוֹשׁ־רִשְׁעוֹ בַל־תִּמְצָא׃
Chévor zéroaʹ rachaʹ varaʹ tidroche-richʹo val-timtsa
יְהוָה מֶלֶךְ עוֹלָם וָעֶד אָבְדוּ גוֹיִם מֵאַרְצוֹ׃
Ado-naï mélèkh ʹolame vaʹède avdou guoyime méartso
תַּאֲוַת עֲנָוִים שָׁמַעְתָּ יְהוָה תָּכִין לִבָּם תַּקְשִׁיב אָזְנֶךָ׃
Taavate ʹanavime chamaʹta Ado-naï takhine libame takchiv aznékha
לִשְׁפֹּט יָתוֹם וָדָךְ בַּל־יוֹסִיף עוֹד לַעֲרֹץ אֱנוֹשׁ מִן־הָאָרֶץ׃
Lichpote yatome vadakh bal-yosife ʹod laʹarots énoche mine-haaréts